'L Carleve' 'd Cavor (1914)
Di Luigi Lotezzano
Da i pè d’la scala santa
Giù fiña a la stassiôn
O quanta gent, o quanta!
Che mônd, che animassiôn,
E d'co j’è ‘n gran traghet
Su dal gerb a Cavôret.
Cantè, balè, criè
Evviva ‘l Carlëvè,
Ste tuti ‘d bôn umôr
Viva, viva Cavôr !
Cos diaô saralô mai
Tut quant côst gran tapage
Mi a tuti lô dirai
Ste atent, e fè côrage
D’ Carlëvè son j’ultim dì,
Mac pi tre peui l’è funi.
Cantè, balè, criè ecc.
Bin d’an pess a l’an formà
Per fe st’an ‘l Carlëvè
‘N Còmitato ôrganisà
Con a cap ‘n pastissè,
E a l’an fane dij pastis
Për de ‘d feste a côst pais.
Cantè, balè, criè ecc.
‘N prôgramma a l’è surtie
Propi degn d’ nost bel Cavôr
E le feste bin riussie
Mancran nen d’ fene d’ônor,
E gnun dubi, i pì côntent
Saran certô j’esercent.
Cantè, balè, criè ecc.
E ‘ntant i veui cônteve
‘D Cavôr le rarità :
L’è ‘n pais vei, lô seve,
Dël mila j’era già,
Ma per bin ch’a sia vei
A niè gnun d’aotri mei.
Cantè, balè, criè ecc.
Cavôr ades l’è fasse
N’a bela citadiña
L’à ‘d bele stra, l’à ‘d piasse
L’à n'aria d'la pi fiña
E për chi ch'ai pias móntè
J'è la Ròca, alon, alè!
Cantè, balè, criè ecc.
La roca, atrativa
Principal l'è d' côst pais
Quand un lassù a riva
Smia d'essi 'n Paradis
E s'a veul 'n poc 'd frità
Për d'le Porte ai la dà.
Cantè, balè, criè ecc.
As god 'n panôrama
Ch' l'è certò di pì bei,
'S respira n' aria saña
As sent subiè j'ôsei,
E, mei cari, j'è 'd vin bôn
Ch'a ven propi da Campiôn.
Cantè, balè, criè ecc.
A j'è 'l tranvai ch'an meña
Giù fiña a Pinereul,
L'è ver ch'a taca treña
se d' fioca a j ven giù 'n seul,
Ma lolì va pa côntà
Basta ch' rivi d'la giôrnă.
Cantè, balè, criè ecc.
E 'n passand poche smañe
Nôi pôdrôma peui mangè
D'la Vila 'd bele rane
E d' Bagneul i bô bôle,
S'a l'è vera che 'l vapôr
A passrà d'co si a Cavôr.
Cantè, balè, criè ecc.
L'è ver che nôi i soma
I rasatà d' Cavôr,
Bin ôrgôgliôs nôi 'ndôma
'D godi côst grand ônôr
............................
Che aparteni ai ................
Cantè, balè, criè ecc.
Lassôma ades le storie
Ch'a funissô për sgônfie,
Piantôma 'd gran baldorie,
Fôma ônôr al Carlëvè,
E se l'eve quaich sagrin
Campè giù 'u bon bicer d' vin !
Cantè, balè, criè ecc. Data alla Procavour dal Sig. Giuseppe Perassi
(dic. 2004)
